貓貓MeowHome

我屋企都有老虎跡影, Cookie担住條蟲蟲.....發出wu wu 聲, 你看他壓下身體發出聲音, 警告其他貓不要過來搶, 佢會攻擊..........成隻小老虎咁....


Coffee又唔同, 佢自己碌地沙.....樣子幾可愛....

舊年冇浸到, 我同事年年都浸酒, 佢比左D浸左兩年既梅酒我飲, 嘩....好味都不得了........夠清香又醇...好飲過D "搓野"梅酒10倍.....

所以一直等.......因為每年只係3月尾至4月頭有新鮮青梅賣, 清明節前後咋....

上星期終於比我發現有啦.......我前後買左4斤梅, 浸左3樽酒....哈哈....

  

 

呢包係第三次買既梅, 已經有D黃, 熟D就清香D, 我就浸左中間size個樽......

最大個樽浸左三蒸酒, 要最少浸一年先可飲, 中間個樽浸左雙蒸酒, 應該半年後就飲得, 最細個樽浸左雙蒸加黑糖, 所以D顏色深D......

我比例 梅:糖:酒約 1:0.5:1.5

 

好耐冇post過忌廉近照.....佢係一屋老大, 加上骨骼問題, 比較少係屋走, 要佢心情好靚都會周圍跑下.....

就算你比零食, 其餘5隻會好興奮等食, 但佢唔會架....佢只會坐係度, 因為佢知道我實攞比佢食.....超懶....哈哈!!!

佢連玩都懶過人,........

  

 

  

這個是5CM迷你口金包, 第一次用濕氈方法, 搓左約20分鐘就OK了....

另外係之前針氈既成品, 一次過POST係度比大家睇下....都係跟MISS差一大距離

   

 

呢個係第一個植毛成品, 植毛技巧更高更要有耐性, 不過成品像真度更高, 要多D練習

 

多謝欣賞!!

酪梨洗面皂

 

 

而家真係懶POST係呢度, 唔知點解而家有人留言比我就唔通知, 反而自己回覆留言就send email比我.....科技真係愈黎愈發達, 完全理解唔到...

呢個皂係客人同我訂購, 其實一直都有幫客人打皂, 不過太懶了......好少出post...真係好對唔住...

椰子油
棕櫚油
橄欖油
酪梨油
乳木果脂
天竺葵精油 Geranium

今次我用左Geranium 學名係 Pelargonium graveolens, 係有少少玫瑰花味, 如果薰衣草係全能精油, 咁天竺葵都係全面潔膚油, 因為天竺葵適合任何皮膚用, 能平衡皮脂分泌, 對濕疹, 疤疹, 癬等有益. 而且天竺葵能促進血液循環, 使皮膚有紅潤活力.

年廿八洗邋遢, 所以今年一早打定碌柚葉皂.....準備身靈心靈都要大掃除一番~~~

 

碌柚葉潔淨皂
橄欖油, 椰子油, 棕櫚油, 酪梨油, 乳木果脂
碌柚葉煲水
薰衣草精油, 快樂鼠尾草精油

柚葉

柚子葉也有不小的價值。中國民間相信在歲晚或除夕用柚葉洗澡，可以除霉氣、袪邪、防病、通經絡、行好運等。

碌柚葉含「類黃酮」之類，有助血氣運行，抗衰老、抗發炎等。若加上沙田柚皮的維他命C，可以作為淋浴工具。

快樂鼠尾草精油有促進細胞再生功能, 減低炎症, 對濕疹及敏感皮膚, 粉刺都有幫助.
係心靈上, 快樂鼠尾草精油能帶走負能量, 將唔好既人掉丟走...仲有減輕神經緊張, 對失眠有幫助.

快樂鼠尾草精油禁忌: 有癲癇症者忌用

其他禁忌:
 快樂鼠尾草精油對部份人可能引起睡意，勿將快樂鼠尾草精油於酒類搭配調和，忌勿開車前使用快樂鼠尾草精油

呢排天氣極乾燥, 加埋有時夜晚會開暖風機比貓貓, 所以我D手手腳腳勁痕, 因為我本身皮膚都幾敏感, 已經唔著得羊毛衫, 會好拮肉.... 呢排D皮膚好痕...被我間唔中 R 下 R損左....頂唔順啦!!!

所以即刻浸D金盞花+甜杏仁油, 另外再煲金盞花水, 用黎打cream

 

金盞花椰子乳霜

金盞花浸泡甜杏仁油
有機冷壓椰子油
乳化蠟
金盞花水
抗菌劑

金盞花藥用主要作用為止痛、殺菌、消炎，處理皮膚疾病。
金盞花，就是金盞菊（Pot Marigold)。金盞花有個綽號叫做「蘇俄的盤尼西林」（Russian penicillin）因為它有舒緩肌肉緊繃、痙攣的效果。除此之外，它的消炎作用也非常的強，更能幫助傷口癒合。它也適合用來處理皮膚裂傷的問題哦。能製作baby的尿布疹膏，金盞花有這方面的治療效果。而且底油還是甜杏仁油，它對於溼疹、皮膚炎有很好的治癒效果，滲透度又高，真是皮膚最佳保養用油！！

椰子油含有豐富的天然抗氧化物，對於抵抗自由基特別有效，因為它沒有經過精製，在煉製的過程中天然成分沒有被剝奪，因此可以保護肌膚不受環境毒素及老化的傷害，可說是終極抗皺乳霜。另外一個好處就是，儘管它的油性非常足夠，但是卻能夠透過皮膚快速地吸收，因此不會長時間讓人感覺油膩，而且也能與其他天然的肌膚保養產品共存。這是因為椰子油的分子結構很小，所以可以輕易穿透肌膚，呈現柔軟滑順的質感。椰子油能深入肌膚底層，從而強化肌膚組織。椰子油也能修復受損的肌膚，藉由除去表層的死皮細胞幫助維持肌膚光滑及透亮。如能善用這個天然的夏日護膚聖品，愛美的朋友們在夏日炎炎護膚之餘，也不用擔心滿臉油光喔！濕疹皮膚都啱用O架!!

我對腳本來就忍忍痕, 沖完涼之後搽左呢個cream, 感覺好好多了, 最起碼我冇再R痕...

本來我已經打算用甘菊精油+沒藥精油, 但到最後我沒有用到, 因為本身椰子油既椰子味太清香, 所以決定咩都唔落....哈哈!!
淡淡椰子味, 連我D貓貓都走黎我身聞下我陣味.....不過佢地冇伸俐出黎......YEAH!!!

好啦...新春送大禮......準備了3個小sample比大家試, 最快私人留地址係我blog到就得啦.....Happy New Year!!

2012終於過去了......
回顧去年, 最大改變就係轉左公司....其實都唔算轉, 因為係番返舊公司, 熟悉同事, 熟悉工作環境.....真好!!
今年打皂唔多, 因為懶囉.....出產真得很少.....

展望2013年, 最緊要係家人身體健康, 6隻貓貓都要身體健康, 尤其忍廉快D食完抗生素, D尿晶快D溶解. 工作順順利利...賺多D錢.....yeah~~
仍然要好比心機完成我既文憑課程, 如無意外今年可以完成初級, 然後開始高級.....再到2014終極目標
仲有....2013年無論如何都要開個第二個BLOG, 我已經忍左YAHOO呢度好耐......

最後祝大家2013年新年快樂!!!!

打皂至今, 出產量最多最多就係中藥濕疹皂, 第二就係奶皂包括母乳在內, 第三就係薑皂, 因為好多人都鐘意薑味, 其實我都係....哈哈!!

薑皂係冬天用都唔錯, 所以一早打定D儲貨.....

 

橄欖油, 棕櫚油, 椰子油, 馬油, 乳木果脂
老薑汁代水, 添加薑蓉, 薑粉, 薑精油及肉桂精油


薑有兩大好處:　促進血液循環及驅除風濕

乳木果脂有修護, 調理及潤澤肌膚作用

馬油為乾燥痕癢皮膚變回滋潤細膩和嬌嫩, 而且可以治療主婦手, 燒傷, 燙傷, 曬傷, 五十肩, 肌肉酸痛, 痔瘡和香港腳問題

薑精油 : 促進循環系統, 排出多餘水氣及淋巴液, 張身體內毒素排出, 有鎮痛止痛功效, 尤其風濕, 關節炎, 肌肉酸痛等, 亦可以改善手腳冰冷

肉桂皮精油 : 暖和特性, 對血液循環不良, 肌肉酸痛關節痛尤其有效. 具有溫和收儉效果, 緊實皮膚.

今次有存貨, 想要既朋友可以私人留言比我, 或者email我都得, tonia2046@yahoo.com.hk