貓貓Meow 心情－貓貓MeowHome

Sep 27 Fri 2013 14:48
最為食的貓.....Mocha

邊有貓好似佢咁為食.....我地煮咩佢都想食..雞, 牛, 魚, 蝦, 蟹, 連龍蝦佢都食呀.......

facebook專頁: www.facebook.com/meowmeowhome
Blog: www.meowmeowhome.blogspot.hk
www.toniawong.pixnet.net

Tonia 發表在痞客邦留言(0) 人氣()

個人分類：貓貓Meow 心情

▲top

Sep 11 Wed 2013 18:17
瘋狂玩貓草氈

我買左張貓草氈, 一打開包裝袋, 嘩6隻貓即刻起身跳過黎我度.....原來D貓草味咁勁

就係呢個嗱....好細張咋, 6隻貓都想霸住玩

20130817_170017

因為忌廉係老大, 所以通常我都一定比佢玩先

Tonia 發表在痞客邦留言(0) 人氣()

個人分類：貓貓Meow 心情

▲top

Sep 11 Wed 2013 16:27
新搬過來......my blog

終於由yahoo搬左黎呢度, 剛剛匯入文字, 圖片還要自己逐張copy, 還要些時間才可以完成....

唔經唔覺係yahoo寫左5年, 由第一次打皂到而家.....貓貓成長過程.....有好多好多.....

隨住yahoo blog完結, 我就完成左2013年其中一個願望, 就係搬blog啦.......終於的起心肝完成.....已經忍左yahoo好耐, 但到呢刻又有D唔捨得, 真矛盾!!!

D好友list全部冇晒lu.....要重新再search過, 匯入時候, 如果之前係私人留言就已經冇晒啦, 希望我可以聯絡番你地啦....

See you in my new blog soon.....!!!

My email: tonia2046@yahoo.com.hk
toniawong@gmail.com

My blog: http://meowmeowhome.blogspot.hk/

http://toniawong.pixnet.net/blog

Tonia 發表在痞客邦留言(0) 人氣()

個人分類：貓貓Meow 心情

▲top

Jul 26 Fri 2013 16:57
我的鼻敏感日誌

其實香港有好多人都有鼻敏感, 但我比較嚴重, 人地鼻敏感向前流, 我就向後流, 即係鼻水倒流...

鼻水倒流對我困擾極大, 不停有分泌向喉嚨流, 導致我喉嚨常常痛同發炎....

之前成日以為感冒未清, 令我有好多痰, 仲要睇左好多醫生包括中醫西醫都冇一個同我講出問題所再....

最後有個醫生話我知原來我鼻裡面發炎以腫脹, 所以D細菌積存到向後流

其實醫生同我講只要我唔養貓, 就會冇事....哈哈.....即係我冇可能會好番.....

唯有食藥控制啦.....

我屋企有兩部空氣清新機, 長年365日24小時長開

另外早晚要噴鼻

噴鼻劑

每晚沖涼後都要用鹽水洗鼻, 我用過好多隻牌子洗鼻水, 暫時呢隻比較好用, 因為個噴咀比較mild

點解我咁講, 因為有個牌子個噴咀好勁, 每次噴完都會噴到D微絲血管....每次都有鼻血...too bad!!

另外每晚都要食抗敏感藥, 呢隻係醫生處方比我, 比較mild, 長期服用....都得!!!

基本上....呢D步驟我日日都做足.......再加上服食蜂膠......

不過香港天氣實在太差, 冇法啦....

希望有日可以完全冇事.........

Tonia 發表在痞客邦留言(3) 人氣()

個人分類：貓貓Meow 心情

▲top

Apr 10 Wed 2013 16:33
貓貓各有玩樂法....

我屋企都有老虎跡影, Cookie担住條蟲蟲.....發出wu wu 聲, 你看他壓下身體發出聲音, 警告其他貓不要過來搶, 佢會攻擊..........成隻小老虎咁....

Coffee又唔同, 佢自己碌地沙.....樣子幾可愛....

Tonia 發表在痞客邦留言(1) 人氣()

個人分類：貓貓Meow 心情

▲top

Apr 05 Fri 2013 18:08
忌廉....懶....遊玩 .....

好耐冇post過忌廉近照.....佢係一屋老大, 加上骨骼問題, 比較少係屋走, 要佢心情好靚都會周圍跑下.....

就算你比零食, 其餘5隻會好興奮等食, 但佢唔會架....佢只會坐係度, 因為佢知道我實攞比佢食.....超懶....哈哈!!!

佢連玩都懶過人,........

Tonia 發表在痞客邦留言(1) 人氣()

個人分類：貓貓Meow 心情

▲top

Jan 02 Wed 2013 11:55
2013年的願望

2012終於過去了......
回顧去年, 最大改變就係轉左公司....其實都唔算轉, 因為係番返舊公司, 熟悉同事, 熟悉工作環境.....真好!!
今年打皂唔多, 因為懶囉.....出產真得很少.....

展望2013年, 最緊要係家人身體健康, 6隻貓貓都要身體健康, 尤其忍廉快D食完抗生素, D尿晶快D溶解. 工作順順利利...賺多D錢.....yeah~~
仍然要好比心機完成我既文憑課程, 如無意外今年可以完成初級, 然後開始高級.....再到2014終極目標
仲有....2013年無論如何都要開個第二個BLOG, 我已經忍左YAHOO呢度好耐......

最後祝大家2013年新年快樂!!!!

Tonia 發表在痞客邦留言(4) 人氣()

個人分類：貓貓Meow 心情

▲top

Jun 12 Tue 2012 16:19
我的貓貓生活照

收到幾個blog友問我, 仲乜近排冇乜post忌廉照片....真係唔好意思....

這是我的六寶了......多謝觀賞!!!

Tonia 發表在痞客邦留言(4) 人氣()

個人分類：貓貓Meow 心情

▲top

Mar 06 Tue 2012 16:00
Mellow 洗牙軼事.......我似......水魚嗎?

認識我既朋友都會覺得我係一個精靈既人, 雖然年紀唔細, 但唔係無知婦孺......

事緣Mellow上兩個星期打完預防針, 話要再約時間洗牙同脫牙...ok..約左上星期五9:15am返診所...
我養左6隻貓, 忌廉都8歲啦....前前後後都睇過好多次獸醫, 我大既都知麻醉洗牙脫牙要幾多錢....
講番個日帶Mellow去洗牙, 檢查完畢, 準備放低佢時, 個助護話我老公知埋單大約 $5000左右, 我老公聽完即刻打比我, 我話有冇攪錯呀
Cookie 前兩年洗牙都係$1400喎...又乜理由而家要$5000, 講真我就預左要$2000左右埋單, 我叫老公帶Mellow走, 唔鬼做, 痴線....!!!!!

跟住我老公叫佢出個break down黎睇下, 點樣可以計到呢條數.....
我比大家睇下評下理

通常d醫生之前檢查完再叫你番黎做手術, 係唔會再收檢查費用, 佢已經再收$270, 仲要再收留院半日$165...都short short地
驗血個part加埋收$955算正常少少啦, 吊鹽水貴過人啦.....$565/包
麻醉仲攪笑, 分4part麻醉, 佢只係一隻重3.48kg貓貓咋, Mocha有心臟病當年都係用1支麻煩噴霧$350, 佢而家竟然要4支麻醉......再要收$225麻醉針錢, 即係麻醉個part共收$1210..........講你都唔信....
原來而家洗牙都要分2-3part收錢, 可能佢分洗上部分牙同下部分牙, 定左右分....
總之佢話$5950, 折實$4800

個男助護同我老公講....通脹3-5%, 呢張quotation兩星期內有效, 遲左再貴d.......真係多謝晒!!

我轉頭打去第二間獸醫問貓貓洗牙幾錢, 個姑娘答我:
$700 貓貓洗牙連麻醉
$600 驗半套血
$50-350 脫牙視乎難度
$350 鹽水 (如果有需要)
加埋約 $2300-2500....呢d係正常價錢正常答案

我好愛錫我6隻貓貓, 用係佢地身上我都唔介意洗錢, 但我重申.....我係一個正常人.....我唔係水魚, 絕不會被人宰割!!!!

Tonia 發表在痞客邦留言(7) 人氣()

個人分類：貓貓Meow 心情

▲top

Feb 27 Mon 2012 16:26
Mocha & Mellow 打預防針事記

禽日約左大圍珍禽異獸診所幫Mocha & Mellow打預防針, 順便body check下, 因為佢地出世到而家都係Dr Lim睇開, 但係佢已經冇係度做, 所以我之前都猶豫左好耐搵邊個睇.....終於的起心肝book左Dr. Peter Morgan.

佢地第一次睇Dr Peter, 連埋我都有d緊張, 因為我成日都覺得睇親獸醫都要比人擋一下....哈哈

Mellow有口臭, 醫生話佢有d牙齦外露, 牙石都好多, 都幾嚴重下, 所以book左黎緊星期五洗牙兼脫牙, 希望減輕佢牙痛, 鬼叫佢成日都唔咬就吞d糧....唉.....Mellow 其他都ok, 身體冇問題....hehe....

至於Mocha.....好多朋友都知佢有先天心漏病....其實佢係keep住食去水藥, 足足5年了....每一日都係賺番黎....點解我咁講...因為當佢6個月大時, Dr Lim轉介左佢去赤柱睇一個動物心臟科醫生Dr Michael, 當時Dr Michael話佢好嚴重, 唔可以過到2歲....哈哈...經過我地悉心照顧, 佢而家都5歲啦......講番呢度先, 3年前佢打預防針時, Dr Lim都話估唔到佢會成長, 好surprise仲見到佢, 叫我地keep住比藥佢食, 留意下佢飲水, 或者呼吸有冇異樣.......

咁就又3年了, 因為Dr Lim冇做, 禽日Dr Peter要重新睇過佢record, 然後同我地講係奇蹟, 因為佢覺得Mocha冇可能仲生存到而家...心臟照理未必負荷得到, 當時Dr Michael都係咁講......... 而家Dr Peter 見到佢係有成長,因為佢個size係好fit o架, 如果我唔講佢有病, 單從外表跟本睇唔出, 所以 Dr Peter好surprise. 佢提議我地重新再幫Mocha檢查, 再照X-ray, 超聲波等, 好想知道點解可以生存到而家.....或者病情究竟去到邊....??

聽到佢咁講.....我就當然問佢而家覺得佢點....Dr Peter話Mocha心跳仍然有雜音, 心跳唔算太快, 照摸佢其他地方都唔覺得有問題....咁我都放心好多.....

跟住Dr Peter就話....咁啱有個世界數一數二既動物心臟權威會下個月14-16號黎香港學術交流, 問我地有冇興趣帶Mocha比佢睇下, 佢話呢位醫生肯定好過赤柱Dr Michael....不過佢補充唔係我地想就會見到呢位醫生, 因為佢只係黎香港一次, 行程好忙, 但佢覺得Mocha case幾得意, 所以佢地會寫referal letter比呢位醫生喎....

我問Dr Peter要幾錢, 要幾耐, 但佢話佢都唔知個位醫生收幾錢.....嘩......咁好難喎...你講到佢係世界權威醫生, 一定唔平啦....仲有喎...我咪比Mocha你當白老鼠咁.....我同老公商量過都係唔好啦....

反正Mocha而家生活得幾好, 食得訓得玩得, 最緊要佢開心, 我覺得開心身體自然好.....再講...就算惡化, 係而家寵物醫學水平, 跟本都唔可以做心臟手術, 只係比藥佢食吊住佢條命......我只係想佢活得開開心心, 再帶佢去左驗右驗, 佢一定唔開心..........嬲爆我呢個阿媽....哈哈!!!

2月14日情人節係Mocha, Coffee & Mellow生日, 好多謝一d朋友, 契媽既生日禮物.....

好多零食同罐頭....最愛既三文魚乾.....YEAH!!!!

照顧一班嘩鬼真係唔簡單.......所以話.....養寵物前..請三思...諗清楚!!!

Tonia 發表在痞客邦留言(6) 人氣()

個人分類：貓貓Meow 心情

▲top

Jan 20 Fri 2012 15:04
~ 恭喜發財 ~

媽媽買左個新床兜比我, 我好鐘意係度訓覺覺豬, 啱啱好包住個身, 好暖笠笠, 好舒服.......

佢地日日同我爭.....不過我係大哥....所以佢地唔夠我爭....

呢隻大大灰熊係爸爸係上海帶返黎....佢同我爭地盤.....好討厭......

Tonia 發表在痞客邦留言(8) 人氣()

個人分類：貓貓Meow 心情

▲top

Dec 14 Wed 2011 16:03
最新貓事記

呢排真係好好好忙, 所以都冇時間update blog, 真係唔好意思........><

早兩個星期, Mocha病左, 有個早上起身返工時, 見到書房檯面有1滴滴尿, 見到Mocha係砂盆到, 我就知道佢尿道炎....
第一時間打電話去book醫生睇, 我趕住返工, 叫左我老公帶佢去睇醫生. 因為佢有先天心漏, 所以準備晒佢食緊既藥同報告帶埋比醫生睇.

我都知道d醫生麻煩, 唔會咁順攤開消炎藥抗生素, 梗要玩一大輪, 又驗左又驗右咁.....唉.....

1:00pm去到診所, 睇完一大輪report, 然後話要驗尿, 跟住同我老公講都驗唔到咩菌, 不過尿糖比較高, 懷疑佢糖尿病, 跟住要照X-ray睇下有冇尿石.....
跟住就話冇尿石, 不過膀胱腫左 ...........(發炎就梗係腫啦....阿醫生....呢d我都知喎)
因為佢尿糖高左, 怕佢糖尿病喎, 最好去驗血同埋照超聲波,.....哈哈...我都預左佢咁講, 因為驗血要$1000大元....但係超聲波會唔會有d過份呢....

跟住我老公打比我.....我直接係電話同醫生講...."阿醫生, 就算我比你同佢驗血, 佢咁驚你都好難抽到血", 跟住阿醫生話要放佢係度一陣, 等佢靜下喎, 我同佢講: "佢見唔到我老公佢仲驚喎...佢有心臟病, 嚇親點算?"

阿醫生繼續話佢血壓同尿糖高喎...." 醫生, 佢驚成咁, 血壓同尿糖高就梗係啦, 你唔好當我唔識喎....仲有, 佢近排冇突然大食大喝, 仲幾精神下, 而且體重仲keep住幾好, 佢絕對冇可能係糖尿病囉,...不過既然黎到, 當身體檢查下同佢驗血"

足足玩左幾粒鐘....先至話佢血報告好靚仔, 冇糖尿, 只係尿道炎, 我心諗一早都知啦......

如果一早肯開消炎藥, Mocha返左屋企休息, 係都要受苦多幾粒鐘, 都唔明d獸醫點解次次都係咁.......

開左6日藥就埋單$1980.....哈哈..返到屋企已經6pm了....頂.!!!!

Mocha好乖, 我地將d藥丸放係雞肉到, 佢就好開心食藥, 完全冇難度.....

我怕因為砂盤污糟, 所以買過兩個新比佢地用, 換晒d新砂, 部水機重新洗過換多次過濾網, 等佢地飲得開心d多d, 唔想佢地再唔舒服, 我會好心痛 !!

12月12日係Cookie6歲生日, 因為爸爸飛左唔係屋企, 但我開左幾罐罐頭同佢慶祝, 佢地6隻一齊食得好開心

我送比佢既禮物就係.........泡泡浴啦........帶左佢去做SPA.....哈哈....有姐姐幫佢沖涼呀.....我都好想.....YEAH

Cookie減肥成功, 佢輕左兩磅啊.....

Tonia 發表在痞客邦留言(3) 人氣()

個人分類：貓貓Meow 心情

▲top

Oct 29 Sat 2011 12:50
最傷痛的2011年10月

還有兩日, 2011年10月就會過去, 呢個月係一個最傷痛既月份, 因為我有兩個朋友係月初時雙雙自殺走了........

其中一個相識了接近20年的好好友, 我們曾經一起工作, 一起玩樂, 落難時一起互相扶持, 我見證妳倆愛情, 妳也見證我倆愛情......

跟妳們最後的合照是我們結婚的那晚, 4年前了, 多麼的後悔4年多來少有聯絡, 大家各自忙, 妳忙於妳們生意, 我也忙於工作.....

出事後的第3日, 我倆到了妳的家, 幫忙處理妳最愛貓貓, 踏入妳家的第一步, 我心痛得難以形容.....妳曾經叫我倆入來一起bbq, 每次都因為太忙以不能來, 終於踏進妳家了, 估唔到係處理妳後事, 見到妳倆家人, 只可以手握手, 因為我們也傷心到難以開口......

眼淚不停不停流下來, 只要一想起就會流液......心痛到難以形容....十萬個為什麼?

難度我們的友情是多麼脆弱, 為何妳不開心時不找我們, 為何妳有困難時不找我們.....作為妳的朋友, 我們多麼傷心難過.....

在最初的一星期, 我不能入睡.....眼光光望天光.....不能集中精神工作, 對所有事情提不起興趣, 剛剛呢個月我老公又要出外公幹, 一個人在家真的難以渡過.....

過多2日妳就出殯了, 真希望妳倆能夠到另一個開心世界生活......

放心吧....妳最愛鍚貓貓已經有新主人了, 牠現在很開心生活, 不用掛念牠, 我們會常常探望牠的......

時間可以沖淡一切......我也要重新出發.....忘掉傷痛.............

好多謝呢段時間曾經幫助我們的朋友, 陪伴我的朋友.........家人朋友是多麼的重要......