貓貓MeowHome

呢幾日開始發大假, 心情極差, 從來未試過咁差........

係公司任職已經五年了, 離開真係好唔捨得, 由其一班好同事, 相處了五年...

本來放緊大假, 被人CALL番公司執野, 我將電腦有用資料/相片等等SAVE, 用左1個鍾頭時間執文件, 將5年來文件撕破, 將5年痕跡毀滅, 個種心情難以形容.....

一個大紙袋, 一個環保袋, 已經結束了...

明天開大會, 暴風雨即將來臨...........

早兩日行過寵物店見到新床仔返, 第一時間買左一個好多顏色, 好靚既兜仔.

忌廉梗係第一時間試下舒唔舒服.......

跟住Mocha 都唔執輸, 走去試下.......

突然趺落13-14度, 仲未取出個 Heater, 所以6隻貓突然失去活動能力.

一個冰凍既下午, 同一個時間.........

忌廉 + Mellow 係貓架同貓籃:

沙律 係貓床舖:

Mocha係書房電腦椅:

Cookie + Coffee 係我張床:

全部凍到訓晒覺.....haha

老公上星期五飛了, 要去上海大約1個月, 上海而家天氣好凍, 得 10度左右仲要落雨, 所以要帶好多衫上去, 佢一路執行李, d貓貓輪流就走晒入去個o急到.

Mocha好似訓得好舒服wor, 佢唔肯出黎, 帶埋你去上海....

係老公執行李期間, 居然有隻不識死蚊仔飛入o黎, coffee 同 mellow梗係第一時間搜索....

好全神貫注咁望住個天花.....傻更更既樣 (左邊係Mellow, 右邊係Coffee)

佢兩個絕對係強勁搜捕貓, 我屋企係唔會有昆蟲生存到ka....

我屋企d貓貓從來未見過小朋友, 上星期日我朋友帶埋1歲女女黎我屋企, 我都諗緊佢地會唔會驚......

因我朋友屋企有7隻貓, 比我還多, 所以我地冇担心過bb女怕..哈哈..

一入屋, bb女已經見到忌廉, 就叫貓貓...冇錯, 係叫貓貓, 連媽媽都未識叫, 因佢由細到大都同貓貓相處, 所以絕無戒心...仲伸個頭埋去沙律到..

因Mocha, Mellow and Cookie怕左陌生人, 加上bb女又大叫大笑, 佢地比較怕"喱"埋左, 忌廉, 沙律同Coffee係廳比bb女玩, 大家一齊追玩具玩...

玩左一陣bb女倦了就上左bb車訓覺, 忌廉覺得好奇, 好想跳埋上車玩...

究竟佢係到做咩呢?

精靈bb女.....

Mellow出世時肥嘟嘟羊毛好得意, 不過佢好鐘意周圍玩, 唔專心食野, 所以佢食好少野, 就掛住玩......

而家都2歲半有多, 仲係細細粒迷你版, 身型似6-7個月, 同佢老竇身型差得遠. Cookie 6個月時已經大隻佢好多, 話晒都同種類 - 羊毛貓, 身型同骨架應該好爆...真係冇理由

個日行過寵物店, 見到Applaw出左乾糧, 寫住80%新鮮肉類, 我見平時都係食呢隻牌字罐頭, 應該好ok, 為左谷肥佢, 我就買左包 bb 糧比佢食, $60得 400g, 點知佢幾衰....食兩粒唔食, 反而其他貓想爭食, 因為真係好香o架. 見佢唔肯食呢隻牌字, 唯有買番細細個食個隻Royal Canin, 又$45 400g, 佢又係食幾野就玩.........我都已經諗盡辦法, 食肥仔水 ( High ViteDrop ), 食營養膏, 都好似係肥左少少....

咁其實佢都好健康, 不過成日唔食野真係唔掂, 最後呢招......唯有食糧時困佢一隻貓係書房, 未食完唔準出o黎........哈哈!!!!!

睇你食唔食........

睇到今期壹週刊訪問摺耳貓病友會既波子 - 何必有我.......

摺耳貓有好大機會有骨骼遺傳病, 令到佢地骨骼變形, 痛苦難堪......中藥, 西藥加針灸, 不停將痛苦加係佢身上.....

剛康復既忌廉其實都已經有腳骨骼變形, 而家行路已經"乞" "乞"下, 每晚都要食suppliment希望能夠減輕佢痛楚. 同波子一樣, 忌廉每次打噴嚏都會噴鼻血, 睇醫生都唔知咩事, 估係佢地鼻骨變形...........比起波子, 已經6歲既忌廉已算幸運, 暫時都不算太嚴重.

忌廉細細個已經好可愛, 加上耳仔摺摺, 尾巴短粗, 手掌腳掌大大, 非常得意, 原來呢d特徵已經代表有遺傳病了.....

請不要再買摺耳貓了, 他們實在受夠了痛苦......

望著眼仔精靈, 好得人錫既忌廉, 當我諗起有朝一日佢要承受呢種痛楚, 我真係非常心痛.....

 但願佢身體健康...開開心心生活, 已經足夠了

忌廉自星期一晚返屋企, 雖然訓得好d, 有飲水, 有食糧, 有小便去, 但仍然沒有大便, 你知啦...如果2-3日冇大便其實都好有問題, d毒素排唔出身體外, 都有危險.

由個日開始, 每逄忌廉行去砂盤附近, 我地都會"及"住係小定大.....次次見到佢個姿勢都係小便, 就會有d擔心.....

禽晚有朋友黎我屋企探忌廉, 忌廉都ok精神, 仲係紙袋玩左好耐, 忽然佢行去貓砂盤到聞聞, 我地即刻扮到漫不經心, 但係全神貫注咁"及"住, 我都覺得自己好好笑...哈哈.

忌廉行入貓砂盤, 一寧轉身就準備呵....見到佢姿勢, 我已經想笑, 因為應該呵大大勒. 冇幾耐我地聞到臭味.....我跟住大聲叫: 忌廉呵屎呀......!!

佢一行出黎, 我地三個人即刻走去砂盤硏究下d屎, 見到全是粒粒硬硬地, 即刻放心晒, 仲要幾大篤下....忍唔住要影比大家睇下......

以下照片有驚嚇程度, 要父母陪同觀賞:

***如果你有養貓, 你就會感受到我見到篤屎既喜悅......

***如果你冇養貓, 我解釋你都未必明白.....

呢一篤屎, 係代表我地一家人既溫暖, 關心同開心.....同意嗎?

多謝所有朋友既慰問及關心, 忌廉前晚已經出左院, 返屋企休息.

第一晚返屋企:

隻手仔因要種豆仔吊鹽水, 所以紅晒:

呢個樣係佢應該覺得安全同開心:

我係一個唔係幾聽話既主人, 醫生其實星期一晚係唔比忌廉出院, 係要佢吊多一晚鹽水, 再同佢驗血等肝指數回落番正常先比佢走, 不過我堅持要帶佢走.

因為我星期一下午曾經打過幾次去診所問忌廉情形......

(1) 忌廉精神嗎? 姑娘答: 佢好好呀

(2) 佢仲有冇呵嘔? 姑娘答: 冇再呵嘔

(3) 佢有冇飲水? 姑娘答: 今朝比過幾次水佢飲, 都冇再嘔

(4) 佢有冇食野? 姑娘答: 比過小小乾糧佢食, 但佢有d驚唔肯食

跟住我同d醫護朋友同寵物護理朋友商量, 大家都覺得佢既指數並唔係太高, 唔需要吊48小時鹽水, 只要佢冇再呵嘔, 身體自然會調整回落, 但如果佢驚唔肯食野可能仲衰, 始終都係陌生地方, 加上插住晒d針又唔陏得, 佢會唔開心會影響佢身體.

講真個姑娘實以為我想慳番$550留院費, 所以我堅持左好耐佢先肯比忌廉出院.

係診所忌廉一見到我地就即刻伸個頭仔出黎, 比我想像好, 始終寵物聽到主人把聲 or 見到主人都零舍安心.

一返到屋企已經周屋巡邏, 其餘5隻貓居然冇fee佢, 你知始終唔同味, 其他有可能fee佢. 大哥即係大哥, 其餘5隻貓居然輪住哄佢聞佢, 好似係到問佢 : 你有冇事呀?.....哈哈

比左d乾糧佢食, 佢食得好心急, 實在太餓了....然後抱佢上床比佢休息, 不過佢並冇熟睡, 可能未驚完. 最後我要攬住佢, 摸住佢先肯訓, 望到佢隻手仔紅晒腫晒, 真係好心痛......

返屋企第二晚:

ok精神, 訓醒會周屋行下, 但係個樣都係好倦咁.

隻手腫起瘀晒, 好在佢冇乜lam佢.........

忌廉好快會冇事食玩跑......

再一次多謝朋友半夜上黎我屋企幫忙, 多謝朋友上黎探佢....多謝!!

事緣禽日6:30pm左右, 忌廉忽然呵爛便便, 好大pat, 好酸臭味, 見到佢係貓砂盤聞聞想抓貓砂覆蓋時, 可能鼻仔掂到少少便, 已經即刻幫佢抹.

跟住我地喂乾糧比佢地食, 隔左15-20分鐘, 忌廉嘔番晒d糧, 我地即刻沖葡萄糖水比佢飲, 佢飲左半杯到, 兼且都仲好精神, 我地諗住唔喂乾糧住, 等佢清清腸胃先, 跟住我同老公落街食晚飯.

食完飯大約9:30pm, 返到屋企見到成地都係嘔吐物, 大部分都係水, 夾雜住一d黃黃地色胃水, 不停見到忌廉飲水, 飲好多水, 都知佢唔妥, 佢一飲完想跳上床訓, 都忍唔住嘔, 我即刻 call 醫生要立即睇, 好彩個醫生仲係診所, 我倆即刻飛的士去.

去到診所已經10:00pm, 醫生話佢勁脫水, 要抽血驗, 你知忌廉都幾大脾氣, 要4個人先抽到血呀, 等報告時, 忌廉已經好倦個樣, 不過都仲眼仔碌碌.

跟住醫生話佢肝指數好高, 正常最高都係 130, 忌廉係 161, 最主要係佢可能食到d唔應該食既野, 身體有毒素排唔到, 所以肝指數標高, 亦令到白血球標高, 脫水亦令到血濃度標高, 好彩其他胰臟, 腎, 糖份都正常, 體溫 39度.

醫生幫佢打左2支針, 止瀉同止嘔, 跟住話忌廉一定要留院吊鹽水, 令到肝指數落番正常, 我地好唔想, 係爸爸媽媽都想自己係屋企照顧番佢, 但醫生話就算即刻幫佢打皮下水針, 只係一時間解決脫水問題, 並唔能夠令肝指數回落, 我地唯有比佢留院, 跟住醫生幫佢插好晒d針, 駁好晒d機就比我地望一望.

佢真係好倦, 我地唯有比佢休息一晚先. 其實我地到依家都唔知佢食左d咩落肚令佢又呵又嘔, 我地夜晚返到屋企, 即刻全屋徹底消毒, 怕其他貓都會中招.

其他5隻貓見唔到忌廉係咁周屋搵.....

忌廉咁大個仔都未試過唔係屋企訓, 我夜晚4:30pm先上床訓覺, 點到訓唔著, 個心好唔舒服, 眼光光到8點幾, 然後起身返工.......

忌廉,

一定冇事, 今晚o黎接你返屋企!!

Coffee 同 Salad 真係一個餅印, 佢地既行為, 動作及表情都一模一樣......

你睇....同一個地方(雪柜頂)....一個左一個右...一個前一個後...哈哈

係咪好似樣呢.....

Coffee小姐脾氣比佢阿媽(沙律)仲勁....

唔經唔覺已經寫到第100篇網誌, 其實想寫好耐, 但又想搵d令人難忘既話題, 最緊要係關於貓貓, 平時夜晚收工又影唔到相, 咁啱星期六放假, 老公提議係入秋前幫佢地沖涼.....

"沖涼" 呢兩個字係好恐怖........

係沖涼前要先剪指甲, 再梳毛....不過Cookie 同 Mocha 係豁免既.....因為Mocha 有心臟病, 至於Cookie係力大無窮, 合我二人之力都冇可能同Cookie沖, 所以佢係每3個月就去寵物店沖既, $200唔慳得....

第一隻係忌廉大哥先, 佢可以比你沖, 但有時限, 到了時限佢就咆哮...今次仲勁, 連續發出唔同四個音, 我話佢講粗口鬧我地.....沖完抺乾佢就係咁lam....我係用綠泥shampoo and conditionar, 所以沖完係好鬼香噴噴.

好倦呀......

濕水忌廉....

8-9成乾就訓低了....

跟住到Mellow....佢平時都好乖, 唔多反抗, 所以都ok易沖...

沖完涼, d毛毛捲反晒, 話晒佢都係一隻羊毛貓女......

然後輪到Coffie, 我地都有晒心理準備, Coffee沖涼係癲既, 不過都冇諗過佢咁激烈, 我老公都按佢唔到, 我仲比佢界左一野....d血狂標出o黎....

Coffee....佢沖完涼後剩係攬住我老公條頸係咁扯大氣, 好鬼驚.

Last 到Salad, 我都諗住係大挑戰, 因為佢比Coffie更大力更癲....哈..點知完全冇反抗, 原來生完bb之後, 性格真係會大改變....

下一次沖涼應該係出年夏天......

Mocha好奇怪咁望住佢地, 心諗 "點解冇我份? 隻隻d身味都唔同晒?"

幫佢地沖一次涼真係好辛苦, 好似要同佢地駁命咁, 為左慳番$800, 都唔知值唔值得?

星期日係屋企無聊聊, 見到有條絲巾冇用, 咪縛隻蝴蝶套落佢地個頭上, 隻隻都走晒, 係得Mocha帶完後, 好似冇野周圍行來行去, 好似行fashion show咁......

係咪好靚仔呢?

我地又要做o靚貓 Model

My name is Cookie, 唔好睇我身型肥肥地, 雖然有個肚腩仔, 但係我都捐到入個Amplifier格仔ga.......

我係Mocha, 呢個post, 係咪好sexy呢.....回頭一望....

唔夠sexy? 咁咪起對眼又點睇....

扮Cool亦可以...名乎其實係calkwalk呀.......

我係Mellow, 我爬既姿勢都唔錯ga...唔知媽媽會唔會幫我整個咕x (哎呀!! 我唔係才女, 呢個字我唔識寫)或攬枕....

Coffee: 唔知我可憐眼神可以迷惑你地嗎?

細佬知道我地鍾意Transformers 大黃蜂, 專登去搵左架車比我地.

其實除左我地, 忌廉都好鍾意Transformers..........個盒, 哈哈!!

忌廉9秒87已經捐左入去玩, 唔肯出o黎, 就算你抬高個盒, 佢依然賴死唔走, 其餘5貓就係附近虎視眈眈, 等待機會.....

呢排唔知點解yahoo睇唔到movie, click youtube睇先:

http://www.youtube.com/watch?v=D5q2288nXxQ

講返部車, 真係佩服個designer五體投地, 我老公睇住說明書都用左一個鐘頭由車變做機械人, 當佢係架車時, 按掣係引擎聲, 當係機械人時, 按同一個掣佢會好似電影中唱歌同頭, 手會郁動, 超勁!!

不過都唔及我6貓勁, 佢又唱又郁, 6貓一d都唔驚, 係佢身邊行來行去.....勁!

http://www.youtube.com/watch?v=E2UfDyNcHvU

我放左大黃蜂係玻璃柜入面, 我係到諗...唔知佢半夜會唔會自己走落o黎同d貓玩, 好似Toys咁......我...short short地!!

呢個玩具已經買左年幾, 收埋左好耐, 忽然諗起攞番出黎比佢地玩下.....

忌廉第一個標入去, 太快影唔到相....

跟住Mocha 同 Coffee, Coffee 遼Mocha, 想佢出黎比佢捐:

Salad終於霸到個好位, 點都唔出o黎, 忌廉都冇情講, Mellow行過唔對路都係走開, 只有Mocha唔識死, 走去同Salad媽玩, Salad即刻發圍拍佢, Mocha嚇到呆左....hehe 

Me : Mocha 你已經兩歲半, 仲扮可

         愛.....

Mocha : mama 你咪理我啦, 天氣咁

               熱, 終於等到你放工返o黎

               開冷氣, 梗係要歎下啦....

Me : 咁你仲乜成日霸住呢到...

Mocha : mama你有所不知, 呢個位好

               正, 朝早有雀仔飛過, 又有麻

               鷹係窗前飛過, 夜晚又有好

               多昆蟲爬係個窗到, 落雨天

               仲有飛蟻tim..... aaaaaaa不知

               幾好玩...

Mocha : 我地6隻成日都伏係到o架啦...

Me : haaaaaaaaaa..........mmmmh

天氣實在太熱呀......要開行冷氣食雪糕同雪條

忌廉好鍾意食凍野, 尤其係雪糕, 不過雪條都唔放過, 照食也....

同爸爸爭食呀..........

6 貓中以Cookie最難沖涼, 事關佢好細胆, 但又好鬼大力, 我地試過一次自己同佢沖涼後, 決定帶佢去寵物店沖涼. 因為佢驚起上來亂咁抓, 除左我地兩公婆受傷外, 佢居然可以抓甩晒牆上d掛畫, 抓甩晒d毛巾連架, 拆左個廁所咁滯. 但佢油脂又最多, 肛門腺比較勁, 毛亦最濃密, 所以每隔2-3個月就要帶佢去沖涼, 順便幫佢 '唧 ' 肛門腺, 剪下肛門附近d毛等....

因為Cookie係羊毛貓, 所以佢濕身後係唔可以梳毛, 所以寵物店比佢浸bubble. 話明bubble, 即係浸住泡泡浴, 好多bubble, 佢就梳孚啦....浸完bubble後, 最明顯係d毛好鬆, 好幼滑同軟身, 成個波咁, 仲好香噴噴tim.

沖完涼, 幾咁波:

睇佢個肥肚腩, 你估佢幾多磅?

Cookie已經食左2年減肥糧先keep到而家咁

落足成日雨, 都冇咩好玩, 都係訓覺啦..........

唔好煩我.....

mama我呢兩日發燒唔舒服, 所以放工返家都冇同6貓貓玩, 我食完d感冒藥就上床訓覺.  因為Mocha習慣跟我訓, 所以佢就跟住我入房, 自己擔住d野跳上床自己玩, 我望住佢覺得佢好可愛.....

等我快d好番同你地玩..........