貓貓MeowHome

我細佬之前去左日本旅行, 佢今次幫我買左3塊SEED橡皮膠, 因為d yen太貴...

我之前未試過日本膠, 所以即刻試用:

用描圖紙印時, d線條好清楚, 比想像中更好....

落刀好順滑, 真係一分錢一分貨....不過真係好貴, 呢個公仔差不多用了2/5塊, 即係話要$10有多...

台灣朋友真好, 幫我訂書同時再訂了台製Haru橡皮膠, 知我鐘意刻章....

之前有朋友問我有冇貨....有興趣請私留給我..

尺寸：長15×寬6×厚1cm，屑少好刻、軟硬適中

呢個係送比同事個仔仔Anson既....大頭仔章一個...哈哈哈!!!

雖然距離聖誕節仲有個半月, 但因我接了兩個朋友既order, 要整80-100個手工皂, 係佢地送比朋友既聖誕禮物, 加埋自己又要整聖誕禮物, 所以黎緊既所有星期六日都會好忙開工.  

我呢排個腦不停係度諗野, 除左諗點整外, 又要幫佢地諗埋點包裝, 真係一腳踢...

還未正式開工, 一於刻番個章先...

到時可以印落去做包裝, 哈哈哈.....

題外話....

我早排係商務印on sales 時買左本小說, 見到佢條band promotion寫住 nov 09, 書cover又好新, 以為係張小嫻新書所以買左, 點知番到屋企, 原來我已經有97年版本, 一模一樣, 比佢激死, 唔知有冇人想要, 原價 $68, 我85折買入$57.8, 現 $45連運費, 全新未睇過, 請私留. thanks

我老公不嬲都好支持我diy, 手工皂, skincare, 橡皮章, 從來都冇意見, 仲成日陪我去10蚊店行.

星期六同老公食完lunch行過五金店.....

我 : 老公, 我想買支 "力o架" 幫我買呀, 我唔識

老公 : 要黎仲乜?

我 : 我見人地d木頭上左"力o架"靚好多, 想試下low

老公 : 咁你要油性定水性? 噴裝或是搽上去?

我 : 吓..?有咩分別?

老公 : 老細唔該比支油性"力o架"

咁$20買左支"力o架", 然後繼續行.....

老公 : 記住唔好比太陽晒到佢, 係好好易燃物品(好強調), 唔好放係太熱地方, 如果唔係會爆...

我 : 哦......

老公 : 仲有...用過時包晒報紙係地下, 因為好難清洗, 會有個"印"係到....

我 : 吓...咁我係出面樓梯噴, 安全d....

老公 : 仲有....你要帶口罩, 陣味好難聞, 唔好吸入肺...

我 : 哦...我打孖帶兩個口罩 ....

老公 : 仲有....你要帶手套, 噴到隻手..會喇, 同d衫...洗唔甩, 小心噴到鞋入屋...

我 : 吓....老公...點解唔係買之前同我講, 而家浪費了$20.....xx..yy..zz......

呢d全部都係之前整落, 而家先有時間post出黎....

圓邊真係好難挑得靚...呢個係試下陰刻, 原來都幾難

刻番個章準備聖誕咭先....

之前忌廉病左, 冇時間攪其他野...

呢塊橡皮膠係手創館買, $6一塊, 不過好薄身,

我覺得好硬下, 同埋好多粒粒灰, 不過咁既價錢好抵玩

見到個圖案幾靚, copy左o黎雕下:

加埋自己個樣:

老公話我有自戀狂, 不停雕自己個樣......哈哈.......

呢d係係台灣寄過o黎橡皮膠, 寄左16片都幾重, 運費要成hk$60, 不過真係幾順滑, 比大陸製好好多......

其實都唔大塊...

收到台灣寄來橡皮膠, 即刻試下

個女仔係我o黎, 似唔似呀?   memo pad其實我都唔知會唔會用....哈哈

個囍字係送比同事, 佢地出年結婚, 希望佢地唔好嫌棄:

加左d embossing powder 試下, 效果都ok

之前 Paper Art on sales 買貓貓章, 加左embossing powder 幾靚:

我覺得印係膠到都幾難控制:

印得一d 都唔靚, 有冇人可以教下我???????  我用左好多滴, 心都痛.....

我自己都有玩雕刻橡皮章, 不過技術實在太差, 冇乜藝術天份, 成品實在太肉酸, 所以冇勇氣放上blog比大家睇.....

不過近排見到好多blogger原來都有玩橡皮章, 欣賞下人地作品同時希望學下野.

唔知點解人地可以雕得好平滑, 自己雕得一岩一忽?

究竟係我落刀角度問題定深淺問題....

我主要都係用美術刀, 其實我都有其他刀:

唯有再比心機試下..

印台我唔係有好多, 得幾隻色咋:

我上次去台灣時, 買左好多台製橡皮膠, 自己試過真係幾好, 因大陸製實在太硬, 台灣個d比較順滑, 日本就買左未試過, 因為太貴唔係好捨得用tim.