貓貓MeowHome

忌廉自星期一晚返屋企, 雖然訓得好d, 有飲水, 有食糧, 有小便去, 但仍然沒有大便, 你知啦...如果2-3日冇大便其實都好有問題, d毒素排唔出身體外, 都有危險.

由個日開始, 每逄忌廉行去砂盤附近, 我地都會"及"住係小定大.....次次見到佢個姿勢都係小便, 就會有d擔心.....

禽晚有朋友黎我屋企探忌廉, 忌廉都ok精神, 仲係紙袋玩左好耐, 忽然佢行去貓砂盤到聞聞, 我地即刻扮到漫不經心, 但係全神貫注咁"及"住, 我都覺得自己好好笑...哈哈.

忌廉行入貓砂盤, 一寧轉身就準備呵....見到佢姿勢, 我已經想笑, 因為應該呵大大勒. 冇幾耐我地聞到臭味.....我跟住大聲叫: 忌廉呵屎呀......!!

佢一行出黎, 我地三個人即刻走去砂盤硏究下d屎, 見到全是粒粒硬硬地, 即刻放心晒, 仲要幾大篤下....忍唔住要影比大家睇下......

以下照片有驚嚇程度, 要父母陪同觀賞:

***如果你有養貓, 你就會感受到我見到篤屎既喜悅......

***如果你冇養貓, 我解釋你都未必明白.....

呢一篤屎, 係代表我地一家人既溫暖, 關心同開心.....同意嗎?