貓貓MeowHome

多謝所有朋友既慰問及關心, 忌廉前晚已經出左院, 返屋企休息.

第一晚返屋企:

隻手仔因要種豆仔吊鹽水, 所以紅晒:

呢個樣係佢應該覺得安全同開心:

我係一個唔係幾聽話既主人, 醫生其實星期一晚係唔比忌廉出院, 係要佢吊多一晚鹽水, 再同佢驗血等肝指數回落番正常先比佢走, 不過我堅持要帶佢走.

因為我星期一下午曾經打過幾次去診所問忌廉情形......

(1) 忌廉精神嗎? 姑娘答: 佢好好呀

(2) 佢仲有冇呵嘔? 姑娘答: 冇再呵嘔

(3) 佢有冇飲水? 姑娘答: 今朝比過幾次水佢飲, 都冇再嘔

(4) 佢有冇食野? 姑娘答: 比過小小乾糧佢食, 但佢有d驚唔肯食

跟住我同d醫護朋友同寵物護理朋友商量, 大家都覺得佢既指數並唔係太高, 唔需要吊48小時鹽水, 只要佢冇再呵嘔, 身體自然會調整回落, 但如果佢驚唔肯食野可能仲衰, 始終都係陌生地方, 加上插住晒d針又唔陏得, 佢會唔開心會影響佢身體.

講真個姑娘實以為我想慳番$550留院費, 所以我堅持左好耐佢先肯比忌廉出院.

係診所忌廉一見到我地就即刻伸個頭仔出黎, 比我想像好, 始終寵物聽到主人把聲 or 見到主人都零舍安心.

一返到屋企已經周屋巡邏, 其餘5隻貓居然冇fee佢, 你知始終唔同味, 其他有可能fee佢. 大哥即係大哥, 其餘5隻貓居然輪住哄佢聞佢, 好似係到問佢 : 你有冇事呀?.....哈哈

比左d乾糧佢食, 佢食得好心急, 實在太餓了....然後抱佢上床比佢休息, 不過佢並冇熟睡, 可能未驚完. 最後我要攬住佢, 摸住佢先肯訓, 望到佢隻手仔紅晒腫晒, 真係好心痛......

返屋企第二晚:

ok精神, 訓醒會周屋行下, 但係個樣都係好倦咁.

隻手腫起瘀晒, 好在佢冇乜lam佢.........

忌廉好快會冇事食玩跑......

再一次多謝朋友半夜上黎我屋企幫忙, 多謝朋友上黎探佢....多謝!!