上次我老公同埋D台北朋友一行十數人一齊去台東綠島去玩, 返黎時帶左幾盒洛郎花蜜餞比我食, 酸酸甜甜幾好味, 佢地話係當地特產.
早排我去買大閘蟹時侯, 比我見到有得買, 因為我知洛神花汁係深紅色, 所以諗住打皂時會係顏色上有D變化, 買了返屋企.
我洗乾淨之後逐花瓣撕出來, 然後打汁, 出來係深紅色, 但唔記得影相....
因為諗住冬天用, 所以打了馬賽皂, 用了72%橄欖油打皂
好期待時候.........當氫氧化鈉落去洛神花汁時, 初時紅色.....然後再攪時, 變了紫藍色....然後深綠色.....最後變番啡色....嘩.....真係估佢唔到~~
除左72%橄欖油, 再用左棕櫚油, 椰子油加乳木果脂, 超脂用左甜杏仁油, 落埋洛神花泥, 最後用左胭脂機粉作為分層.....出黎之後變成呢個樣
完完全全同洛神花唔同......哈哈....冇一樣野連繫得到.....
洛神原指宓妃, 是東方木德之帝伏羲的女兒, 美得異乎尋常, 後渡洛水覆舟淹死, 成了洛神
洛神花含豐富花青素, 是一種生物類黃酮還原體, 有很強抗氧化作用, 可增進血液循環...
最後我加了依蘭依蘭精油, 依蘭依蘭有花中之花稱號, 與其獨特香味可與美的宓妃相匹配
依蘭依蘭是一種多功能精油, 可平衡皮脂分泌, 所以對油性或乾性同樣有幫助
文章標籤
全站熱搜
留言列表
