早陣子行開一田百貨超市, 行行下聞到好香好甜味道, 原來係胭脂紅石榴, 黃色皮一粒粒, 真的很香, 因為太熟了, 所以特價平賣, 當我拿起一包時, 我媽問我咁熟買黎仲乜....哈哈...佢都有所不知, 打開皂既人, 行街都會留意下有d咩可以用得打得.....所以我就帶左佢返屋企啦....
本來d肉係白色, 我連籽一齊打汁, 出黎都係白色, 加埋用剩少少駝鳥油, 唔知點解出黎皂色係咁深色, 我老公以為我打濕疹皂添.....
不過有樣野唔變.....就係香甜到不得了, 成個廚房都係石榴味.....勁~~
~~忌廉推介~~
胭脂紅石榴皂
椰子油, 棕櫚油, 橄欖油, 蓖麻油, 芥花籽油, 可可脂, 駝鳥油
石榴汁化水, 石榴籽, 石榴泥
冇再落香薰, 因為唔想影響石榴味, 不過當然放左一個月後, 已經冇晒味啦......
石榴含有豐富維他命C美白肌膚, 具抗氧化功效, 增加皮膚對紫外線抵抗力, 能抗黑斑同老人斑.
文章標籤
全站熱搜
留言列表
