有一次與一個同事傾開關於手工皂既問題, 我提及係台灣訂手工皂模價格好貴, 有時都好肉痛. 原來我同事家人係專做亞加力膠製品, 跟住就話幫我造一個渲染模, 我好簡單說明我既要求, 1個星期後, 我同事就比左呢個渲染模我啦....大家睇下, 同台灣訂番黎一模一樣o架...哈哈!!
![](../images/Cx3byI1k8pWWPM90005eEw.jpg)
呢個係一個可拆式皂模, 即每一塊膠片可拆開, 容易收藏.
中間膠片可橫放直放, 任你喜好.
即刻試下好唔好用先, 最緊要係冇漏
首先包左層膠膜係底(或保鮮紙), 再放上底座, 插入膠片, 然後一格一格倒皂液, 呢part忘記影相, 你知兼顧唔到咁多野...keke
![](../images/ljRrc1TLxHYt01RwrBcjqg.jpg)
![](../images/WH5gAlivL4fZcWne8m9ddg.jpg)
![](../images/EzfExqJpmygcJFf_8a_QNg.jpg)
![](../images/MA5pAQd7Xep591Qw.eLhaQ.jpg)
倒入皂液既時候好穩定, 完全冇漏出, 比我想像中好
第二日脫模, 逐塊逐塊膠片滑出來, 都好易喎, 咁當然冇矽膠咁易啦, 但我已經非常滿意, 非常多謝我同事幫忙.
唔好睇少個模, 係完全人手做出來, 但打磨得好好, 有左呢個渲染模, 可做出更多變化既皂o勒.....
羌花皂
羌花浸橄欖油, 椰子油, 棕櫚油, 馬油, 篦麻油
S.F. 黃色皂液, 二氧化鈦, 羌精油, 佛手柑精油
![](../images/bVbNNVMDIQ9Vm06yP6rAfg.jpg)
![](../images/aGaBobq.2hggfHmuR6lqzg.jpg)
![](../images/zHSPYtCxfLtCad5.rzpe9g.jpg)
![](../images/Cz5RJWq0PqJ3x2NctDQBsw.jpg)
如果大家對呢個皂模有興趣, 可私留尺寸要求, 我幫你問價錢
全站熱搜