從來都冇諗過自己會包粽食...............從來都係係街買黎食.............
事緣上年有d同事家人包左好多粽, 拎返公司請同事食, 原來自家粽係好好食, 冇味精, 材料足, 就立下決心今年要去學整粽.(因為我媽咪都唔識包)
上個月終於比錢人上堂學包粽, 原來包粽一d都唔難, 最複雜係事前要準備既材料. 上星期約左朋友上黎我屋企一齊包粽食, 前一日老公要浸左d糯米同綠豆, 仲要浸d葉, 好麻煩.
材料有: 糯米, 綠豆, 豬腩肉, 瑤柱, 冬茹, 咸蛋黃, 蝦米, 花生
背住鏡頭個個先係我.........
我地包左有50隻粽, 以第一次包成果真係好好, 都似模似樣, 係一隻"粽"樣.
我地包完後就用壓力煲煮左一個鐘, 就食得啦....
唔係講笑, 真係好好味......哈哈!!
所有粽已經比人搶晒啦..............
多謝俾面!!
全站熱搜
留言列表