5月1日, 6 meow 爸一早出門口去長洲買平安飽順便去影相, 佢好開心咁買左一打平安飽同好多平安掛飾, 小玩具等等, 諗住派比d朋友, 當佢差不多返到屋企時, 唔知係咪佢興奮得滯, 居然遺失了銀包係小巴上.
大約15分鐘後佢先發現不見了銀包, 剛好遇見之前曾經幫助過的小巴司機, 小巴司機二話不說立即幫佢逐架車檢查, 可惜找不到, 再立即車佢去另一邊站頭再逐車找, 始終找不到.....連八達通都冇埋, 好彩佢call朋友過來先返到屋企.
6 meow 爸既失望又憤怒, 事關佢平日落車總會回頭望一望, 可能太倦了, 今次真係老貓燒鬚.....6 meow 爸因要上大陸做野, 冇左回鄉咭真係好麻煩........
唯有寄望好心人拾回, 錢可以攞, 最希望可以比返d證件....
因怕身份證有可能比人盜用, 所以決定先去報失證件, 銀行咭一早cut晒, 仲有係2張八達通, 一張普通版, 另一張係公益金特別版收條(因之前壞了已send去八達通check bal), 而家連張收條都遺失, 即係唔見了2張八達通, 加埋都有$600, 6 meow 爸好唔開心......因為6 meow 爸成日都會執到手提電話同銀包, 但從不貪心, 次次都會比番人地或者拎去警局, 從來不會路不拾遺, 6 meow 爸係好好人.
因為補領回鄉咭係要有身份證, 所以9秒87book左補領身份證先, 跟住我捉左6 meow 爸去火車站customer service counter去問下有冇機會check得返張公益金特別版八達通, 個小姐好好人即刻幫我地check, 佢話有可能check 到, 叫我地留番資料聯絡.
都已經過左個多星期都冇乜消息, 所以去左補領身份證($335), d新銀行咭都陸逐寄來屋企, 一切從新開始..........
5月14日收到八達通公司寄來信件, 叫我地去攞番張壞咭同d bal錢, wow....居然攞得番d錢喎....6 meow 爸已經好開心.
5月15日6 meow 爸收到警局電話, 有人將銀包連證件放左係郵筒內而家係警局, 叫6 meow 爸去取回.
哈哈......真係好心有好報, 雖然銀包裡d錢就冇晒, 但所有證件全部都係到, 唔駛再晒時間同錢去補領.
雖然個Burberry銀包有2個星期唔見左6 meow 爸, 有少少沮喪, 不過而家都返番6 meow 爸身邊了.
所以話平日真係要做多d好事, 好心總有好報!!