忌廉@骨骼退化－貓貓MeowHome

因為我老公要去上海工作個幾月, 所以係佢出發之前一定幫6隻貓貓剪甲甲, 要合二人之力先得. 幫忌廉剪腳甲時摸到佢腳底腫起了, 摸落去好硬, 表面皮膚冇損, 有d擔心, 以防萬一決定帶佢去睇醫生.

2月12日下午帶忌廉去相熟醫生檢查, Dr.一摸落去就話要照X-ray, 驚佢係腫瘤, 我個心好驚...Dr 話佢個日好忙, 叫我放低佢一晚, 第二日攞返, 要幫佢抽血, 麻醉吊水再照X-ray, 仲要照晒所有腳趾及手趾, 輕則關節發炎, 最怕係腫瘤, 大概$2600-2800.....嘩...大佬..駛唔駛呀....又$3000....錢唔係唔肯比, 唔駛劑劑都咁誇張.....其次我係唔會比忌廉過夜, and then Dr同我講佢第二日放大假, 問我照唔照....我答佢等你放完假先.....其實我緊張過佢, 一出門口, 即刻打電話比朋友問其他醫生資料, 要book多一個醫生consult, 我心諗如果要比$3000, 都唔"睜"在比多$300要多一個醫生consult, 終於約左"仁心動物診所" Dr Chan.

2月14日情人節下午6:30pm, 我帶忌廉去睇Dr Chan, Dr好認真咁檢查忌廉手手腳腳, 因為忌廉最憎人摸佢腳仔同尾巴, 佢話忌廉陏得好勁, 唔肯比佢摸, 要落少少振靜劑, 因為佢掙扎得好勁, 我地要4個人先可以幫佢打針, 當支針打入血管時, 佢眼仔碌碌剩係望住我, 但係個身就陏唔到, 我當時個心真係好痛好痛, 點解要佢受苦.....so hurt....跟住醫生幫佢照X-ray, 發現佢腳趾骨變形同脹大, 醫生話係骨骼退化徵狀, 係先天影響, 始終摺耳貓就好容易有呢個毛病, 唔單只左邊呢一隻腳趾, 連右邊腳趾都開始有脹大, 醫生話如果再發大的話, 佢行路時候就好容易破損, 導致細菌感染就麻煩, 到時可能要做手術切左隻腳趾, 其實張X-ray show到佢腳踝骨都開始突出, 都有少少問題. 不過醫生話唔贊成開藥比佢食, 因為副作用好大, 佢寫左個成份名比我, 叫我買有呢個成份既保健食品比佢食, 唔多唔少有d幫助, 比佢運動多d, 但唔可以劇烈.

箭咀位置就係佢腫起地方: