我屋企6隻貓貓一直都用開Petmate水機3 lite個款, 已經用左6年, 一直都好想佢壞, 因為有藉口可以買個新o既....今朝起身見到個摩打唔行, 整左好耐都唔得, 我心諗都係時候買個好d...哈哈
即刻9秒87走落寵物店, 買左個心儀好耐個款.....
呢個係舊Petmate, 終於退役, 其實我keep得好好...
呢個係新買, 佢個過濾棉係成塊圓形, 我相信會將d毛毛, 塵全部都過濾晒...
唯一唔好係唔可以較快慢同比較大水聲, 不過d貓貓唔習慣新野, 行埋去只係睇同聞唔肯飲水, Mocha仲衰, 隻手仔走去玩中間噴泉位玩水....
平時最鐘意試新野既忌廉王子都唔敢, 睇黎要比d時間適應
老公夜晚落機返到黎, 我話佢知個舊機壞左, 佢笑我.......
佢話信唔信佢5分鐘整返好, 點知佢搞兩搞個摩打又行番.....原來女人對機器認知真係好差, 不過我都冇後悔買左呢個....都係$268 ja, 最多咪放晒兩個係廳用...吹咩!!!
Cookie肥仔12月12日生日, 都冇特別同佢慶祝, 加上佢好肥同腸胃麻麻, 唔想比太多零食比佢. 佢不嬲都落寵物店沖涼, 因為佢大隻兼大力, 冇辦法同佢沖, 所以每3-4個月都沖一次, 諗住佢生日, 今日帶佢去做SPA, 浸下bubble, 等佢梳孚下當係生日禮物......
老公出左差, 唯有自己放佢落袋, 佢好鬼精靈, 唔可以比佢見到個貓袋, 所以我從後抱佢兼蓋住佢雙眼, 諗住ok, 點知佢好驚, 反身扣住我, d爪係我塊面劃過.....
我即刻放開佢, 然後慢慢用手摸下塊面, 好在冇血流成河, 跟住行入廁所望下, 係鼻樑同眼之間有條約1.5cm血痕, 痛到飛起, 差少少插到眼...好彩!!
即刻用暴力質佢入袋, 帶佢落去出沖涼.....
冇天理, 我諗住益佢, 佢抓到我破相...話晒我都係一個靚女o黎o架嗎.....
沖完涼磅重, 嘩......12.7磅....仲肥左0.7磅, 已經一路食緊減肥糧....食左2年....點算......
佢明明伙一隻羊毛貓, d毛係lun架喎, 沖完涼一d都唔lun....
我細佬之前去左日本旅行, 佢今次幫我買左3塊SEED橡皮膠, 因為d yen太貴...
我之前未試過日本膠, 所以即刻試用:
用描圖紙印時, d線條好清楚, 比想像中更好....
落刀好順滑, 真係一分錢一分貨....不過真係好貴, 呢個公仔差不多用了2/5塊, 即係話要$10有多...
由放大假到真正離職, 已有一個月了....
雖然冇乜心機只係屋企hea睇碟, 但因之前接落d手工皂order, 都係要做.....前後成80粒, 都要比d心機整, 因為人地都係送比人做 x'mas 禮物.
呢批係最後個10粒, 之前個d唔記得影相就交左貨loo
另外加送潤唇膏同 lip glossy, 今次試下用新貼紙, ok幾靚....希望佢鍾意
今朝返左公司拎埋張票, 終於完結了, 離開了工作差不多6年地方.
見到老闆, 佢居然同我say sorry, 話佢已經盡左力, 但冇辦法保到間公司, 老闆娘仲喊流眼淚.....一切一切在心中.
雖然一早已有心理準備, 但心仍然有得不捨....
係回家途中, 有個女仔打比我, 但我唔識佢, 佢話知我已離職, 對我好有興趣喎, 叫我上去佢公司傾傾...哈..真奇怪...我只是同2個客講過我會離職, 唔知邊個幫我搵工....
真係得到上天眷顧, 跟住亦有2個客打比我, 都係知我已離職, 搵我傾傾....
原來一切已有安排.....
希望所有同事都生活愉快!!
之前叫左朋友幫我訂了幸福手工皂大對決第2彈, 終於收到了, 因為之前台灣曾缺貨...
之前有幾位blog友托我買, 而家連運費只需$65一本, 請聯絡我.
*****第二次返書, 只係得6本, 請之前同我訂既朋友聯絡我, thanks********
*****自己去台灣旅行, 因為怕行李超重, 只帶了4本書回來, 之前同我訂左請聯絡我***
台灣朋友真好, 幫我訂書同時再訂了台製Haru橡皮膠, 知我鐘意刻章....
之前有朋友問我有冇貨....有興趣請私留給我..
尺寸：長15×寬6×厚1cm，屑少好刻、軟硬適中
呢幾日開始發大假, 心情極差, 從來未試過咁差........
係公司任職已經五年了, 離開真係好唔捨得, 由其一班好同事, 相處了五年...
本來放緊大假, 被人CALL番公司執野, 我將電腦有用資料/相片等等SAVE, 用左1個鍾頭時間執文件, 將5年來文件撕破, 將5年痕跡毀滅, 個種心情難以形容.....
一個大紙袋, 一個環保袋, 已經結束了...
明天開大會, 暴風雨即將來臨...........
早兩日行過寵物店見到新床仔返, 第一時間買左一個好多顏色, 好靚既兜仔.
忌廉梗係第一時間試下舒唔舒服.......
跟住Mocha 都唔執輸, 走去試下.......
突然趺落13-14度, 仲未取出個 Heater, 所以6隻貓突然失去活動能力.
一個冰凍既下午, 同一個時間.........
忌廉 + Mellow 係貓架同貓籃:
沙律 係貓床舖:
Mocha係書房電腦椅:
Cookie + Coffee 係我張床:
全部凍到訓晒覺.....haha
