手工皂25 - 紅麴渲染皂
前排係台灣訂左d紅麴粉, 終於的起心肝打一皂...
呢個我最鐘意, 簡單.....似一隻蟹....
材料: 橄欖油, 椰子油, 棕櫚油, 乳木果脂, 大豆油, 白油
S.F. 甜杏仁油, 紅麴粉, 澳洲粉紅泥, 薄荷eo, rosemary eo
本來諗住紅麴粉出來應該係紅色, 澳洲粉紅石泥應該係淡粉紅色, 點知切開後, 見到紅麴粉變左橙色, 澳洲粉紅石泥就變左深紅色, 天然色粉果然係變化莫測!!
澳洲有機粉紅石泥：適用各種膚質，並能軟化角質層有效保濕，使的肌膚觸感更好，特別是熟齡肌膚。敷面可柔化肌膚，淡化細紋紋理讓肌膚富含水分，細緻的嫩粉紅石泥可堅牢的夾住自然的元素，提高肌膚胞外基質組織的連結，改善臉部細紋具有天然緊實的效果，所以也適用於老化成熟肌膚。
早排係youtube見有個外國人做左個15色渲染皂, 大為驚嘆, 因為難度好高...好高
我都心思思想試下, 數下自己都有10隻顏色, 就即刻動工.......
打咁多顏色係需要時間調色, 所以唔能夠用太多硬油.....
橄欖油, 椰子油, 棕櫚油, 白油, 乳木果脂, 芥花籽油
顏色有: 黑色, 啡色, 啡紅, 閃紅, 粉紅, 藍紫, 綠色, 金色, 珍珠色, 原色
調完色後逐一逐一入模.....因第一次用10色來渲染, 唯有用最穩陣渲染劃法, 怕太多會影響顏色分佈.
上星期最大雨的晚上, 我搭巴士去尖沙咀, 準備下車時, 企左係門口扶住個把手, 突然前面小巴煞停, 跟住巴士急停, 企係我隔壁個人冇扶手撞埋我到, 攪到我拗親隻腳......當晚老公幫我搽藥酒, 第二朝起身腫晒, 要去睇跌打......
包到成隻萬三蹄.....仲要睇左幾晚跌打.....呢排真黑仔!!
好耐冇post diy skincare, 因我人比較賴, 冬天一個formula, 夏天一個formula, 所以都賴得post.
識我朋友都知我勁鐘意薰衣草味, 所以我屋企有齊晒薰衣草精華油 :
法國薰衣草
保加利亞薰衣草
高地薰衣草
薰衣草
醒目薰衣草
每一種都唔同氣味, 我自己最鐘意法國薰衣草味, 每晚滴一滴係枕頭, 特別好訓.
如果用於皮膚, 我會加保加利亞薰衣草加上薰衣草花水 ....
荷荷巴油, 酪梨油, 透明質酸 1%原液, B5, 甘油, 六胜肰, 薰衣草花水, 綠茶萃取液, 保加利亞薰衣草精油, 乳化劑, 抗菌劑.
清爽, 保濕, 收緊.....簡單!!
六胜月太能協同膠原蛋白作用，幫助並增加肌膚緊緻度，避免細紋及皺紋的生成六胜月太溫和撫平老化皺紋，減緩臉部細紋與老化現象。達到有效撫平皺紋、預防皮膚老化、幫助肌膚再現活力光彩，呈現緊緻青春臉龐。六胜月太(ARGIRELINE)結合生化科技。撫平皺紋、增加皮膚彈性。多利用於減少皺紋的保養品製作
醫生話貓貓其實除左對佢地有毒既食物(洋蔥, 朱古力等)外, 其他都食得飲得, 所以我地煲完湯係未落鹽之前, 就畢起碗湯, 撇左d油比佢飲....
你估下忌廉飲緊咩湯?
.
.
係花膠煲雞湯.....Yeah!!
補佢隻腳仔呀, 等佢多d骨膠原......忌廉足足前後飲左一碗湯.
除左忌廉, 連Mocha都唔輸蝕, 飲返幾啖先...好好味!!!
因為上星期有個朋友生日, 佢一直都用緊我整既手工皂, 所以決定試下整cup cakes送比佢. 今次過程比上次整玫瑰花蛋糕皂還要難, 因要分開三日整.
第一晚要打好皂液入啫喱杯做糕底, 再要將皂液分色(6種不同顏色)同入小小模做裝飾.
第二日就要將不同顏色皂皂搓成大小不一的波波, 呢個過程係最複雜, 足足用左4個鐘頭先完成
第三晚係最緊要, 因為要打另一底皂液, 然後當忌廉唧花, 因為我唔識整蛋糕, 所以我係唔識唧花, 如果稍有差池就前工盡費. 所以我之前睇左好多整蛋糕網址, 睇下人地點唧花, 從中偷師.
因為個texture要似忌廉狀態, 所以今次要打到over trace, 出動了小幫手慢慢試, 再倒入忌廉袋唧花, 過程一步一驚心, 不能出錯.
唧完忌廉後, 再放入小波波裝飾, 完成.
我用了個透明蛋糕盒放入, 朋友收到後驚訝表情, 真的嚇了一跳.
雖然唔係好完美, 唧花唧到一忽忽, 唔得順暢, 始終都係第一次嘗試, 但係滿足感比上次個玫瑰蛋糕手工皂還要大, 心血心機真的不小, 好倦.......
材料:
蛋糕底 (2層分色 - 朱古力色 + 白色) : 橄欖油, 椰子油, 棕櫚油, 乳木果脂, 芥花籽油, 白油, 朱古力粉
忌廉唧花 : 橄欖油, 椰子油, 棕櫚油, 乳木果脂, 大豆油, 白油, 薄荷精華油
小波波 : 橄欖油, 椰子油, 棕櫚油, 乳木果脂, 大豆油, 白油, 皂用珠光粉, 皂用色液
p.s.因為考慮到如果用天然花草粉, 時間久了, 顏色會漸漸改變及暗淡, 所以決定用珠花粉及皂用色液來溝色, 出來效果實在漂亮, 尢其是粉紅色, 真係好靚.
多謝老公連續三日係隔離幫手, 冇佢都攪唔掂!!
本來寫blog係想記錄下身邊發生既事, 但係原來心情好時, 就會有好多野想做, 唔得閒寫blog, 心情唔好時, 連電腦都唔想開.
前排身體差, 心情更差, 連飯都唔想食, 咩都唔想做.....
4月頭打完呢個皂之後, 都未有再打皂.....
橄欖油, 棕櫚油, 椰子油, 乳木果脂, 馬油, 白油
S.F.備長炭粉, 甜杏仁油, 薰衣草eo
製造日期: 2010年4月11日
脫模日期: 2010年4月12日
熟成 日期: 2010年5月11日
要比d心機.....提起精神先得......
上星期日我有空清理下部notebook資料, 係d舊file搵番忌廉d影片, 從未發表過....哈哈...點解咁講, 如果我攞部手提按摩器出來, 大多數貓都會走避, 唯獨是忌廉會9秒 87跑上黎要按摩.....佢唔怕不特止, 仲好鐘意個按摩器, 舊款同新款都唔怕.
事緣有次我係梳化揸住支按摩器按摩, 然後電話嚮, 我未關制去接電話, 轉頭見到忌廉自己跳上梳化挨埋個按摩器, 個樣仲鬼死咁enjoy, 合埋雙眼享受, 自己就位黎按摩....哈哈....有片為證....
**真係比yahoo激死, video不能上載不特止, 之前d video全部冇晒, 我d舊blog d影片消失晒, 而家要用youtube upload.**
第一次做漸層皂, 係上一次係台灣學皂時, 見到老師做得好靚, 雖然我不夠時間學, 但老師仍然教我怎樣做, 沒有實習, 只有口述竅門, 我通通記住了....
上星期日終於有時間練習, 很小心量度份量, 一層一層用湯匙舖上去, 再加上洋甘菊裝飾, 等待脫模.
24小時後急不及待脫模
有小小意外驚喜, 比我想像中好, 雖然分界線未控制得好好, 但顏色尚算分明, 下次應該可以做好些.
橄欖油, 棕櫚油, 椰子油, 白油, 乳木果脂, 大豆油
S.F. 紫花苜蓿粉, 迷迭香eo, 薰衣草eo, 佛手柑eo, 洋甘菊花
製造日期: 2010年3月21日
脫模日期: 2010年3月22日
熟成日期: 2010年4月21日
Rebecca老師:
記住比d意見我!! thanks
Tonia
剛剛星期日帶了Cookie去打3年一次預防針, 醫生一見佢就大叫: 嘩!!肥左咁多...
大圍珍禽異獸Dr Lim話佢13磅太肥了, 好易有糖尿病, 同埋對關節唔好, 因為Cookie得4歲半, 再唔減就好難減到, 年紀再大d身體都唔好.
醫生勒令要減肥, 叫我地join 個competition, 講真邊有時間每個星期落黎比佢磅重....唯有每餐食完就拎起, 慢慢減份量....哈哈...以後包底王冇得再包底啦.....
呢兩晚, 佢望住個地下好仇個樣..因為唔見晒d糧兜......冇得食.....
講開珍禽異獸, 雖然Dr Lim真係好Pro, 但係次次去親都好激氣.
Cookie耳仔比較污穢, 可能有考母菌, 我地都用緊藥. Dr Lim話等佢check check多唔多菌, 轉頭同我講, 都睇唔到d咩野, 跟住比錢時收我$150捈片檢查, total連打針收$440..佢話都睇唔到d咩野.真係火都黎埋, 唔係錢問題, 係次次做咩都唔事前出聲收錢, 上次MOcha檢查收左我$2600, 真係閒閒地都一千幾百.....
