貓貓MeowHome

近來好多護膚品用上黃金造材料, 聲稱有美白保濕功效, 有個日本牌子一小塊黃金皂要賣成$400, 又有好多人話好...等我都試下打黃金皂.

我買了一包5片98%金箔片, 都唔平既, 本來諗住用3塊就算, 點知打碎佢時發覺唔係太多, 所以最後用晒5片....好肉赤呀!!!

既然洗面用, 決定用胡桃油, 乳木果脂做主打, 加埋用棕櫚核油, 好虛榮既洗面皂.

雖然d金箔片打得比較碎, 不過仍然一點點佈滿皂中.

胡核油, 橄欖油, 乳木果脂, 棕櫚核油, 蓖麻油

添加: 甜杏仁油, 98%金箔

含金箔的洗面梘, 幫助皮膚細胞更新, 用後感覺乾淨,滋潤, 皮膚明顯淨白均勻, 彈性大大提升

金箔的功效 - (抄自日本S字頭洗面皂)
帶有大量負離子，能滲透至肌膚真皮層，發揮美容功效，活化細胞分裂及生長，延緩巨噬細胞對膠原蛋白及彈力蛋白的分解，抑制黑色素的形成，達至肌膚美白及提升彈力。
金能加速細胞生長，令新細胞取代舊細胞，如此一來能令老化的肌膚變得年輕且健康；其次，金能抑制黑色素母細胞的成長，能令暗沉的肌膚變得光滑明亮；第三，金能中和自由基，平衡皮膚的酸鹼度，讓膚質更穩定，預防老化。

胡核油 - 保濕效果良好, 有助於修復傷口或因濕疹受傷的皮膚, 對防止皺紋非常有效, 對皮膚滲透性佳, 是高級洗面皂材料.

乳木果脂 - 非常優良保濕效果, 對治療曬傷肌膚, 凍傷, 燒傷都有緩和作用. 對皮膚非常溫和, 最適合嬰兒及敏感性皮膚用.