每年我都會打1-2鍋備長炭皂, 等待夏天使用, 可以深層清潔皮膚, 消炎殺菌, 清涼薄荷可令皮膚煥然一新, 不過今次算係失敗既皂....我唔係想咁o架......
曾經同自己講過唔好用米糠油做渲染, 早排再睇有關渲染皂書, 睇到一條方用米糠油打出, 加上仲有100ml米糠油未用, 唔信邪試多一次
當油水均合攪攪, 不消3分鐘就有trace狀況, 立即倒出10%皂液來溝備長炭粉, 來不及攪均, 原液已經杰撻撻, 激死我啦........
杰到凝固何來渲染, 唯有倒回大鍋來個回鍋渲染
經過今次再一次試驗, 以後都唔好全信d書本內容, 唯有信自己對手, 用完呢100ml米糠油, 我應該唔會再訂, 完全唔再比機會自己錯....哈哈!!
薄荷備長炭皂
橄欖油, 椰子油, 棕櫚油, 蓖麻油, 甜杏仁油, 乳木果脂, 米糠油
添加 : 備長炭粉, 薄荷腦, 尤加利薄荷精油
全站熱搜
留言列表
