貓貓MeowHome

今期東方新地有一些興趣班介紹, 其中一頁係關於手工皂, 當中有介紹一間Workshop教授手工皂, 亦圖文並茂教人打北海道牛奶手工皂, 不過唔知係個導師錯誤教授, 定係個記者寫錯, 個做法有些錯的, 新手請勿全跟隨.....

錯誤 1:

牛奶皂要係低溫製作, 不能高於20度溶鹼, 以免出現蛋白質及脂肪酸燒焦, 破壞奶中成份

錯誤 2:

我會直接用奶冰溶鹼, 奶中蛋白質被鹼分解為胺基酸, 脂肪會被分解為脂肪酸, 呢個就係牛奶皂營養所在.

如果用水開NaOH, 再中途加入牛奶既做法, 因為鹼液濃度太高, 會出現假皂化情況, 容易失敗, 而中途加入牛奶時, 亦會推高溫度, 燒焦蛋白質

錯誤 3:

唯獨是牛奶皂係唔需要保溫, 如果保溫係會出現火山爆發現象, 而且皂色亦會變得深色

其實坊間都有幾種牛奶皂方法, 我並唔係話我既方法先至正確, 不過雜誌上既方法一定有錯誤, 對於新手來講, 低溫打牛奶皂確有一定難度, 難於係時間上既掌握.

我唔係要針對呢間Workshop, 我只係唔想有人跟左個錯誤做法, 如有得罪, 請多多見諒!!