事發日期: 8 月12日
事發時間: 2:00pm
事發分店: 觀塘 XX道 68 號 XX廣場一樓 116 號舖
我叫了一個上海排骨菜飯跟可樂, 附跟的有一盤青瓜涼菜.
食第一口青瓜酸到吐番出來, 第二口以為椰菜絲, 點知澀到吐番出來, 原來係一條檸檬皮, 第三口終於以為係菜, 點知原來係生蒜頭, 苦到吐番出來, 再望清楚, 原來成盤都係檸檬皮, 檸檬渣, 生蒜以及變晒色既青瓜.
![](../images/ixzM0r9Q9t1LSOyTxB3jyA.jpg)
個抽檸檬渣似係"篤"完檸檬茶個d, 比我感覺全部都係食物渣滓, 全部都冇可能放入口. 又酸又苦, 賣相極度核突, 我見到其他客人都冇食放埋一邊, 我咬完幾啖後, 個陣苦味一直係口腔唔退, 好想嘔.....我叫了一個年約50歲服務員過來, 問佢為何上次係木耳豆腐絲, 今次咁難食?
佢答我 : 呢個係新口味 , 冇問題喎.....
我話: 個樣咁核突, 全部好似垃圾咁, 又酸又苦又澀, 點食落口呀...
佢答我 : 係你唔啱食啫, 冇咩問題........
我話 : 叫你經理出黎
佢答我 : 我就係呢度經理
我話 : 咁我要你地總公司電話....
然後返到公司我上網將以上經過及對話寫左係大快活投訴版
跟住禽日有個男人打比我話係大快活, 話已經派人去左間分店睇過, 同查問過經理, 個經理話已經即時解釋左比我聽, 同埋話轉過其他野比我食, 但佢當時並冇咁講過.....然後個男人話你覺得臭係因為d浙江醋ja, 我並冇講過臭, 我一直都講緊係個賣相同味道, 佢堅持話係新口味, 係公司叫佢地咁做......嘩...真係火都理埋, 我話我見到其他客都唔食放埋一邊, 請問你地有冇試食過, 佢唔出聲.
原來咁大間公司, d人客唔出聲唔食就當冇問題, 出聲個個比意見就係佢有問題.....
由頭到尾既對話佢地都唔覺得有問題, 連一句抱歉說話, 一句對唔住都冇.
佢最尾同我講話會同上頭反映一下, 但我聽得出佢一d誠意都冇.
我問佢其實你都冇結論, 打黎比我仲乜?
佢話打比我有兩樣野:
1. 佢地收到我既投訴
2. 已經落左分店了解過投訴, That's it!!!
我答佢你都冇任何結論比我, 但我既結論係:
我以後都唔會去大快活.....That's it!!!!