忌廉由細到大都有潔癖, 佢好乾淨, 平時佢食完野就即刻洗面, 然後由頭再洗到腳仔, 每個部位都洗成5分鐘, 如果佢洗洗下你打擾佢, 佢就由頭再洗過......傻傻地......
如果個貓砂盤唔乾淨, 佢唔肯入去, 跟住叫我清理, 然後佢再入去....
試過有一次, 我帶埋佢番阿媽到食飯, 食完飯我同家人打麻雀, 見到佢係間屋到行來行去, 周圍聞, 周圍跑同玩, 跟住冇理佢, 隔左一陣....見佢跳番入個貓袋爬係到, 我仲同我媽講: [佢玩到倦番入袋訓覺]....然後...再隔多一陣, 有d唔對路, 聞到臭臭味, 原來佢跳番入個貓袋到大大, 好在個貓袋有紙尿片, 跟住我清理完望下忌廉, 佢眼神話我聽好唔開心...因為佢有潔癖, 周圍聞都搵唔到個貓砂盤, 唯有跳番入個貓袋到呵, 佢都唔會周圍呵, 嘩..我阿媽錫到佢死......打完麻雀返屋企, 忌廉好唔開心哩埋一邊唔睬我, 好似人地出洋相好尷尬個樣, 跟住我同佢say sorry, 話係媽媽唔好, 打麻雀耐左, 唔關佢事, 係我錯, 佢第二日先冇事....
所以佢有一個好奇怪習慣, 就係每晚等我老公沖完涼後, 佢就第一時間跳上廁板, 然後老公就會攞佢條專用毛巾搓水, 忌廉就會彈起叫, 好開心等我老公同佢洗面抺身, 佢好enjoy 同 好lum, 抺完後佢繼續坐低等埋我老公搓毛巾掛起, 佢唔會跳走............................................................繼續等.........................等咩?.....................................因為我老公會抱起忌廉, 錫佢一啖先抱佢出去, 晚晚如是, 有片唯証.....
全站熱搜
留言列表
