剛剛睇完一個Blog友既一篇心誌, 內容係佢心愛貓兒因為隱性心臟病於早兩日離去了, blog主心情趺落谷底, 極度傷心. 文章中提及同貓兒3年生活中既點點滴滴, blog主不斷怪責自己太大意, 未有留意貓兒身體不適狀況, 太遲發現, 亦發生得太突然, 又或者遇到了一個不負責任寵物醫生, 未能及早醫治. 我睇完後都眼濕濕, 作為旁人既我, 都感受到佢既傷心, 可想而知, 佢既傷心係他人不能理解.
身為6隻貓既主人, 當然明白當貓兒唔舒服時焦急同埋担憂, 我只係發現貓兒一日沒有大便, 或者佢地成日訓覺, 已經令我很担心, 況且我Mocha亦有先天性心臟病.
貓兒同主人關係係他人冇法理解, 一齊睇電視; 一齊訓覺豬豬; 我放工返屋企, 佢地聽到高跟鞋聲迎接我; 我地比零食, 6隻貓圍住我地; 我叫佢個名, 佢即刻跑過黎; 我係書房做野唔理佢地, 佢地會叫輕輕一聲坐係房門口, 要我知道佢係到; 佢企係房門口要我開門比佢入去訓覺....所有種種開心, 激心, 担心, 只有主人先知道....
能夠同貓兒相遇, 然後一齊生活, 既是一種緣份, 希望呢位朋友別太難過, 雖然我唔認識呢位blog友, 但係云云人海裡, 佢能夠遇到你一個好主人, 亦是佢既幸福同幸運, 亦不要怪責自己了, 貓兒心裡只希望帶給你開心, 佢可能都唔想你見到佢痛苦, 係佢短短3年生活裡, 我相信亦是貓兒最幸福最開心日子, 而家貓兒去了平靜彩虹橋裡, 亦希望佢既主人可以生活開心.
傷心...縱然是
生活...縱亦如此
慬得放下...亦是開心一種
我也學習中, 一起努力吧!!
全站熱搜
留言列表
