今早有朋友同我講話佢隻貓發脾氣係佢張床到呵尿尿, 攬到佢晨早"喱咁hea"....
我諗起自己d貓笑話....
話說過年前既星期六, 我同老公約左一齊去中環剪頭髮, 我就收工自己由沙田去, 老公11:00am係屋企出發, 係Salon見, 個日好多人, 我地連2個朋友有剪, 有電, 有染, 攬到成6點鐘先離開髮型屋, 難得出開 "城", 不如食埋晚飯先返沙田, 跟全我地再加埋我細佬同佢女朋友一齊係TST食飯, 有傾有講.....已經9:00pm, 各自返家, 諗住d 貓貓應該好肚睋.
點知返到屋企一打開門, 只係見到2隻貓係廳, 其他唔見, 平時6隻貓梗有4隻湧埋o黎.....我發現房門關埋了, 我問老公係咪佢出門口唔覺意關左房門, 老公話唔記得....行近房門, 聽到有貓抓門聲, 我咪去開門, 只係開左少少門縫, 都未開晒到門, 已經有隻貓捐出黎, 9秒87掟彎去貓砂盤, 原來有4隻貓困左係房, 跟住我見到另外1隻都標入另外一個砂盤, 因為只有2個砂盤, 奇景出現了, 有2隻唔夠快, 只能夠企係砂盤出面等....哈哈!!! 當時2隻貓如廁中, 2隻貓係到等, 我諗佢地真係好急....真係好對唔住....
不過都唔知係老公關門, 定係Cookie關門, 因為Cookie大隻, 佢試過好多次係房玩玩下, 個pat pat定埋左到房門, 所以都唔知佢地幾點鐘開始被困....
我剩係知道佢地好乖好乖, 死忍難忍都唔係房 "瀨".....Good Baby!!
可能4隻貓太急, 完全唔記得肚睋, 佢地如廁後先記得meow我..............未食野呀.....HAHA!!
Cookie係砂盤外等時...啤住我....
全站熱搜
留言列表
