Mocha－貓貓MeowHome

Mocha 於2007年 2月14日情人節出世, 佢出世時最圓最可愛, 我很疼愛他, 他是胎中唯一仔仔.

佢最貪吃, 還未開眼聞到大貓d乾糧已經識得爬過去照食, 雖然只係食到d乾糧碎, 但已經好鬼得意.

剛開眼時:

剛走路時候, 可愛尾巴仔:

Mocha亦係我最担心一隻, 因為佢打第一支針時候, 寵物家庭醫生Dr Lim同我講佢有先天心臟病, 佢心跳唔正常有雜音, 未必養得大, 聽完醫生講後, 我震驚到冇辦法形容, 我強忍住d眼淚係眼眶到. 醫生話佢太細, 未能確定病症, 要等佢大多兩個月再檢查.

佢樣子好精靈ka:

老公同我講, 只要佢一生活得開心, 玩得開心, 能夠有緣份大家一齊生活, 已經係我地慶幸之事, 凡事順其自然, 不必強求.

Mocha知道自己身體有毛病, 佢無論玩得幾開心, 到時到侯佢就會爬低訓覺休息.

左邊係Mocha, 右邊係Mellow:

6個月大時候, Dr Lim幫Mocha照左X-ray, 建議轉介到赤柱一個心臟寵物專家, 我地book左架車, 請左假, 山長水遠由沙田去赤柱睇醫生, 都係為左醫好佢. 醫生要幫佢照心電圖, 超聲波, 個鬼佬醫生好有心機, 話佢心臟有事唔適宜麻醉照, 佢慢慢同佢玩, 等Mocha坐係佢大脾, 慢慢照. 醫生話佢有心漏, 因為香港冇儀器幫寵物做手術, 唯有依靠藥物, 排走佢多左肺水, 希望佢未咁辛苦, 醫生話如果分1-10級危險性, 佢都有6分, 因為佢心臟未必付可得到, 可能過唔到兩歲.....我已經忍唔住流眼淚...

佢好乖, 每晚喂藥時候, 我攞起支針筒藥放係佢個口到, 佢自自然然開口食, 不用打仗咁, 佢知道我最疼他, 佢每晚都會跟我入房一齊訓覺, 佢依然係食得, 玩得同訓得, 表面完全健康.

到了18個月時, 又係一年一針bodycheck時候, 我帶晒d藥比Dr Lim睇, Dr Lim見到佢好驚訝, 因為佢身形好fit好靚, 醫生話佢奇蹟地好, 心跳雖然仍有少雜音, 但病情居然受到控制冇惡化, 証明我地好有心機照顧佢, 食得好健康, 我地不知幾開心....

20個月時, 係咪好靚仔呢...