貓貓MeowHome

Coffee 亦係情人節出世, 佢排第四. 佢出世時候最細隻. 佢好斯文, 成日都唔夠其他bb爭食奶, 唯有特別人手喂佢多d.

特別細隻, 剛開眼時:

Coffee對眼特別可憐樣, 好令人憐愛, 原本有朋友叫我讓出, 不過我地拒絕了, 因為佢身體比覺瘦弱, 我地要多d愛心對佢.

Coffee 無論樣貌同性格都似足佢阿媽, 比較慢熱同怕陌生人, 佢叫既時候只係開大個口, 但係冇乜聲, 好鬼得意.

佢開心既時候會細細力咁咬我手仔, 叫我摸佢同錫佢, 佢好文靜, 成日都比Mellow蝦佢..

佢特別論盡, 食野好鬼慢, 喂佢食小食都成日係個口到趺番出黎....食濕糧又慢, 個個食完走埋去搶佢個兜食, 真慘.

比Mellow蝦緊嗱, 唔夠佢打...哈

有一排佢好瘦, 做左絕育手術後開始肥番d, 宜家不知幾fit, 幾靚女...

佢坐得幾有儀態...

就黎兩歲, 大個女啦....

養寵物...小d心機都唔掂

Coffee:

對唔住, 爸爸媽媽雖然成日只照顧Mocha, 其實我地都好錫妳, 妳要健健康康咁生活, 知道嗎?