Mellow 係一胎中唯一一隻羊毛貓 ( Silkirk Rex 塞爾凱克捲毛貓 ), 亦係一胎中最遲出世個隻, 佢排第五, Coffee出世後, 足足等左18個鐘頭佢先出世. 可能係呢個原因, 佢同其他bb有d分別, 就係...係...非常百厭同幾野蠻.....
出世時候d毛幾捲下, 好似棉花糖咁, 原來想改佢個名叫棉花糖, 不過3個字唔好叫, 咁棉花糖英文係Marshmallows, Mallow好男仔, 咁佢係女仔不如叫Mellow啦, 亦係甜美, 成熟咁解...
![](../images/BqZXQB0LJWlPSTWBzhp0yQ.jpg)
其實Mellow好靚女o架, 不過d眼神精靈得黎就好蠱惑, 成日都去蝦其他貓
![](../images/T.jN4vOo2WsOlVoWOoEWYg.jpg)
佢超叻..我都上佢當...d bb貓成日都一齊玩打架, 初初聽到佢叫聲, 以為佢比哥哥Mocha蝦, 等我仲話Mocha, 後來先發現, 佢成日走去打同咬Mocha, Coffee, 當Mocha 發圍忌唔住追番佢, 佢又唔夠Mocha打, 就先發制人叫左先, 然後扮可憐無辜...次次都係咁.
右邊係Mellow:
![](../images/5lIoUhMCou.25luIY0.MQw.jpg)
睇下佢d眼神...幾衰...哈哈
![](../images/2gFD7UCuDbAUXdg73cWQiw.jpg)
Mellow由細到大都跟住佢老竇Cookie, 佢地無論DNA, 個樣, 身形同動作都完全一樣, 不過Cookie 係一隻極完美塞爾凱克捲毛貓, 脾氣性格極好, Mellow就成日蝦佢老竇, 但Cookie好錫佢, 由佢蝦, 唔出聲, 唔反抗亦唔打佢.
萬千寵愛在一身, 連我老公都好錫佢, 不過講真, 佢嗲起上黎又真係好令人開心ga..
唔好以為張相係Cookie, 其實係而家既Mellow, 佢大左同肥左, 同Cookie一個餅印.
![](../images/hIoTJrA6W3qC.P1Xh72_NA.jpg)
Mellow:
你乖d啦....