我地有6隻貓貓, 首先要介紹一下忌廉仔, 今年5歲半, 係朋友送比我地, 佢黎我地屋企時只有個半月大, 我放佢係手袋帶返屋企, 講起黎就有段故.....
我朋友兩隻摺耳貓生了一胎bb, 我同男朋友(而家係老公)個個星期上去睇貓貓, 每次幫bb影相時緊 有一隻bb係我地腳邊爬黎爬去, 然後對住我地叫,有時佢會有手手細細力拍我地 , 我地兩個覺得好奇怪, 全部bb一落地就玩到四散, 只有一隻bb係我地身邊企定定任影相, 好可愛.
我朋友同我地講, 既然同佢咁有緣, 就試下養貓貓啦, 佢就係忌廉仔...好靚仔ka
哈哈..跟住等二日我就買左個貓砂盤, 兜兜, 乾糧同幾本關於貓書本, 就開始成為了貓之奴隸....
返黎屋企一星期了, 忌廉已經習慣了新的生活, 有一日佢開始肚痌, 我地以為食糧唔習慣, 睇多一兩日先帶佢睇醫生....點知過了兩日都係咁, 開始唔肯食野, 我地即刻帶佢去大圍珍禽異獸睇醫生, 醫生話佢已經嚴重缺水, 要即刻幫佢打水針, 身體勁虛弱, 有生命危險, 要佢留院觀察, 我地唔想佢留院, 想直接照顧佢, 想係佢身邊, 咁我問醫生留院可以做什麼, 佢答我 : 喂佢食藥..喂佢食野 同睇住佢 lo. 嘩..大佬..留院$450 一日, 仲要唔知幾時可以出院喎..我地跟住同醫生講, 我地請假係屋企照顧佢, 唔駛留院嗱....
最頭痛就係唔知點喂藥, 姑娘示範一次比我地睇..超難....
返到屋企要諗方法令佢食野, 終於將d bb糧剪到粒米咁細粒, 溝落bb雞肉糊, 佢聞一聞肯自己食野...終於肯食野..到喂藥, 我同佢講 : 忌廉, 你要乖乖食藥, 快d好番同你玩, 佢望一望我地, 然後好乖咁食藥, 絕對冇反抗.
真係好奇怪, 兩日後帶佢覆診, 醫生都好詫異佢好得咁快..
自此之後, 佢好跟我地, 同我地一齊睇電視, 一齊訓覺.
眨下眼, 已經5年多啦...佢就係我地大仔仔嗱.......
留言列表
